و لا انتي و لا غيرك

((((( لا انت و لا غيرك ))))

ولا انت ولا غيرك ولا حتى السنين السود

تخلي دمعتي تنزل على خدي واذرفها...

انا ادري منيتك انك تشوفني وانا مهدود

ولكن اغسل ايدك محال دموعي اذرفها

,,,,,,,,,,,,,,,

احبك كنت انا احبك وحبك كان بي موجود

ولكن عشرتك الحين انا من قلب عايفها..

عطيتك كل ما املك ولا فكرت بالمردود

وكل ما تصدمني بجرح اقول احباب طوفها

,,,,,,,,,,,,,,,

وانت منت اولهم ولا انت آخر المطرود

ولا انت درس علمني عطايا القلب اطرفها

انا ربي وهو ربك وهو الخالق المعبود..

خلق نفسي عشان اني على الصعبات اكلفها

انا ماني هذاك الي اليا ضاقت عليه يعود

انا يالضيقة تنسفني يا اما الضيقة انسفها

مع تحياتي " حسناء العرب "